Гайхалтай ертөнц

Ай даа
Ясны яруу найрагч шүү.
Ясны юм гэж
Ясанд хүрдэг чанараараа
цаанаа л өөр шүү.

сайн хүү байна шүү

15-настай Б.Галсансүхийн шүлгүүд /Утга зохиол урлаг сонин - 1988 он/
2009-10-08 09:03:41
Арван тавхан настай энэ хүүгийн тунгалаг харц гэгэээн инээмсэглэл, уулын гол шиг сад тависан задгай хэлэмгий шүлэг санаанд минь тэр л чигээрээ буужээ. Нэрт яруу найрагч Сергей Есенины ойд зориулсан сэтгүүлийн дугаарын хавтсыг халцартал нь өвөртөлсөн, яруу найрагт зүрх сэтгэлээсээ хайртай ийм нэгэн хүүхөдөө бяцхан хотод байна чинээ санасангүй явсан ч би мөн баярлаж билээ.

Хүүгийн нэрийг Баатарын Галсансүх гэдэг. Хэнтий аймгийн Өндөрхаан хотын 8-н жилийн 2-р дунд сургуулийн VIII ангид сурдаг. Шүлэгч хүү Б.Галсансүх аймагтаа зохиогддог алтан үзэг шагналыг энэ жил “Надя Рушевад” шүлгээрээ хүртлээ.

“Алтан үзэг”-ээр ард түмэндээ хайрлагдах сайхан яруу найргийг бүтээхийн өлзийтэй ерөөлийг дэвшүүлж, найргаар жаргасан хүүгийн сурагчийн цүнх, сэтгэл хоёртоо тээж явдаг шүлгээс уншигч түмэндээ толилуулъя.

С.Пүрэв



Хүүхэд нас

Хүүхэд нас холдон одоход

Хонгор найз минь биднээс юу үлдэх билээ

“Туулайн” тухай өрөвдөлтэй хайрын

Тунгалаг инээд хэвээрээ үлдэнэ

“Хүрэн морины” гашуун зовлон

Хайрлах өрөвдөхийн час халуун нулимс үлдэнэ

Цас өнхрүүлэн өвлийн өвгөн босгочихоод

Цайгаа уухаар гэр өөдөө дэгдсэн баяр үлдэнэ

Хонгор найз минь чи биднээс

Хүүхэд нас багадсан хувцсыг минь аваад явна.

Хал үзээгүй цагаахан сэтгэлийг минь

Хүүхэд нас бидэнд үлдээнэ.



Ангийн охид

Улаахан тууз хархан гэзгийг нь гэрэлтүүлж

Уур цагаан гэрээс идэрхэн цог залийг

Аясийн салхинд сэргээхээр яаран гарсан

Ангийн охид минь зүүдээ манаж хононо.

Дааган тоонот эцгийн гэрт

Дээш ургаж нар болсон шигээ

Ангийн ширээн дээгүүр

Туяагаа урсгах зуны сар шиг

Ангидаа та нар цагаан гэгээ

Орчлонд тулгат гал эзэгнэхээр

Олуулаа ирж дээ та нар минь

Ангийн охид маань цэнхэр зуунаас

Алтан ургийн Монголжин охид

Гоо үзэсгэлэнгээ орхиод явж дээ.

Надя Рушевад

Монгол үлгэрийн үмх шар тос шиг саран гэрэлтэнэ

Мөрөөдөлд автахдаа эрх чөлөө гэж юу хэлдгийг одоо мэдлээ

Яруу гоо сайхныг цээж тэнэгэр ухаарч

ягаахан гэгээт зураг бүхнээс чинь аз жаргалыг би нээлээ

Ай Надя

Сар - шингэн дуут жаргалын ордны хонх ажээ

Салхи - хүмүүсийг дуудах мөнхийн хонхоч ажээ

Гал шуурга одод – ордны бадмаараг эрднэсийн туурга ажээ

Гүйцээж амжсангүй

Намрын бороо бус

Нарны гэрэл нэвтэрсэн цасаар орчлон мэгшүүлнэм

Надя чи хаа байна?

Бруно, Галлилейг энхжинд одсон гэж

Буцаж ирэхгүй зуунаас найрагчид уянгаар хайлсан

Диваажинд одоо хэн жаргаж байна

Дантес уу? эсвэл Пушкин уу?

Надя чи хаана байна?

Дуусаагүй уран зургмйн ордонд ирж хана бүгдийг тэмтэрнэм

Идэрхэн зүрхний гуниг сарниаж

Надя чи намайг төрөхийг хүлээлгүй

Нартаас явчихсан юм гэж үү?

Галбарваасан модны үзүүр шүргэн алдах цахлай шиг сарны туяа

Гуниг шингээгүй орог шаргал навчсын тухай бичих бүрийд минь

Ганцхан дүрсгүйхэн Пушкинийг чи зурсаар суух шиг санагдахуй

Газар бууж амжаагүй сарны туяа тогтсон навчсаар нулимсаа би арчнам

Хонгор Напя минь чи билгийн мэлмийгээ нээхдээ

Хоргой шаргал нартай Монголын тэнгэрийг л харсан

Хөвгүүн би орчлонд дуу алдахаар яарч мэлмийгээ нээхэд

Хоног нь гүйцсэн тэргэл сартай чиний харсан тэнгэр минийх л байсан

Чи туульсад гардаг орчлон замбуу тив дор

Чилсэн гараа амрааж чадалгүй хорвоод мөнхөрсөн

Чиний харсан Монголын тэнгэр дор төрсөндөө бахадсаар

Чиний зург,ийн дутууг шүлгээрээ гүйцээхийн хүсэлд автсаар

Ахиад л би бодлын далайд хөг алдана

Алсын арван мянган одод шиг зураг бүхэн чинь

Амгалан сансрын орд болж хүмүүний сэтгэлд туяарахуй

Амжаагүй орхисон дээврийг нь миний шүлэг орлоосой.

Сайхан шүлэг байна уншиж чадахгүй болхоор хуулчихлаа

bayarllaa hongoroo

Saihan yum aa.

Нээрэн баярлалаа хө, энэ шүлгийг нь аль эртнээс л олж уншихыг хүсэж байлаа. Гэснээс Надя Рушевагийн тухай О.Дашбалбар агсаны шүлэг бас байдаг юм билээ.

Өөх, болж байна.

aaa ene hunii neg tod dursamj bii dee hehe... shulguud ni ih oor nudeer yortontsiig harsan bdiinshuu tee... shaal oor bur tes oor nudeer,,,

багаасаа л сайхан бичэж байжээ.

айхтар хүн шүү

хөөх, ёстой сонин юм олоод уншчихдаг байна ш д. гилаалаа Эзра.

ундарсан авьяастай хүү байж.

энэ чинь шижир алт байнам

bugdiin chine zuw shuu

so stupid, even though for today' days, so awful,

"Өнө эртнээс надад зориулж бэлдсэн
Өгөөмөр зовлонг жаргал шиг эдлэх сайхан"
Б.Галсансүх

зүгээр нэг хүн ингээд хэлчихгүй л дээ

ter bolboos jinhene tengerees zayasan yaruu nairagch bilee

yooy ene Galsansuhtei neg yarij uzehiimsan, bayarlavaa unuudur joohon high baigaag ch helehuu

MAHNam deer ochood uulzahgui wu naad byatshan uls turchteigee hahahaha

Аргагүй л өөр юм даа... гэснээс чи хаагуур байна вэ. Мээсэнжэрт тааралды л даа

ter chin nohoi shuu de ugaasaaa.tihiidon blotoi bolow
lolitagiin amarag